ഒരു മാറ്റം അനിവാര്യമാണ് .

ഞാൻ നന്നാവും .എനിക്ക് മാറണം. ഇതൊക്കെ നമ്മൾ തുടരെ തുടരെ പറയുന്ന വാചകങ്ങളാണ്.

ട്രെയിനിങ് കഴിഞ്ഞ് പലരും എന്നെ വന്നു കാണുകയും അവർക്കു വരുത്തേണ്ട മാറ്റങ്ങളെ കുറിച്ച് ചോദിക്കാറുമുണ്ട് . ചിലർ ചോദിക്കും , “സാർ,മടി എങ്ങനെ മാറ്റുക ?,ചിലർക്കു പേടി മാറ്റണം. എന്താണ് മാറ്റേണ്ടതെന്ന വ്യക്തമായ ധാരണ അവർക്കുണ്ട് . പലരുമായി ചർച്ച ചെയ്ത് പരിഹാരങ്ങൾ കണ്ടുപിടിച്ചിട്ടുണ്ടാവും . എന്നാലും വീണ്ടും ഞാൻ വ്യക്തിയെ കണ്ടുമുട്ടിയാൽ ഇതേ ചോദ്യങ്ങൾ തന്നെ ആവർത്തിക്കപ്പെടും . ഇതിന്റെ കാരണമെന്തെന്നു നമുക്കു നോക്കാം.

COMFORT ZONE

നമ്മൾ ‘COMFORT ZONE’ന്റെ മതിലിനികത്തു ബന്ധിക്കപ്പെട്ടിരിക്കുകയാണ്. എന്താണ് COMFORT ZONE’ ? നമ്മൾ ഉറങ്ങുന്നു,കഴിക്കുന്നു, നടക്കുന്നു. ഇതെല്ലാം നമ്മൾ ചെയുന്നത് നമുക്കു ഏറ്റവും സുഖകരമായ രീതിയിലാണ്. നമ്മൾ ഉറങ്ങുന്ന രീതിയോ സ്ഥാനമോ മാറിയാൽ നമുക്കു ഉറക്കം നഷ്ടമാകുന്നു. എന്നും ഒരേ കടയിൽ നിന്ന് സാധനങ്ങൾ വാങ്ങുന്നു. മറ്റൊരു കട കണ്ടുപിടിക്കാനോ അവിടെ പോവാനോ നമ്മൾ ഇഷ്ടപ്പെടുന്നില്ല . സുരക്ഷിതത്വവും എല്ലാം നമ്മുടെ നിയന്ത്രണത്തിലാണെന്ന തോന്നലും ഉള്ളതിനാൽ ഈ ഒരു വലയത്തിനകത്തു നിൽക്കുന്ന നമ്മൾ പുതിയത് പരീക്ഷിക്കാനോ ചെയ്യാനോ മടി കാണിക്കും.

OBSTACLE ZONE

COMFORT ZONE’ നെ പൊട്ടിച്ചെറിയാൻ തീരുമാനിക്കുന്ന ഒരാൾ നേരിടേണ്ടിവരുന്ന 3 തടസ്സങ്ങളാണ് താഴെ നൽകിയിരിക്കുന്നത്.

ധൈര്യക്കുറവ്
പരിശ്രമിക്കാനുള്ള മടി

ഇംഗ്ലീഷ് മടി കൂടാതെ സംസാരിച്ചു തുടങ്ങിയാലെ ആ ഭാഷ സ്വായത്തമാക്കാൻ സാധിക്കുകയുള്ളു .പക്ഷെ നമ്മളെ പിന്നോട്ട് വലിക്കുന്ന ഒരു പ്രധാന കാരണമാണ് തെറ്റി പോയാലോ എന്ന പേടി ഇതു കൂടാതെ മറ്റുള്ളവർ എന്തു പറയുമെന്ന ചിന്ത നമ്മുടെ ആത്മവിശ്വാസം ഇല്ലാതാക്കുന്നു. ഡ്രൈവിങ്ങിൽ ആത്മവിശ്വാസം (confidence) വരണമെങ്കിൽ ധൈര്യം അവലംബിച്ചു കാർ നിരത്തിലേക്കിറക്കണം.രണ്ടോ മൂന്നോ തവണ അങ്ങനെ ചെയ്യുമ്പോൾ മാത്രമേ ഡ്രൈവിംഗ് എന്ന കഴിവിൽ (driving skill) നിങ്ങൾക്കുള്ള വിശ്വാസം വർദ്ധിക്കുകയുള്ളൂ . പരിശ്രമിക്കാനുള്ള മടിനിമിത്തം മുന്നോട്ടുപോവാനാവാതെ നമ്മൾ “COMFORT ZONE” ൽ തന്നെ നിലയുറപ്പിക്കുന്നു.ഈ തടസ്സങ്ങൾ മറികടക്കുകയും നിങ്ങളിൽ സ്വയം വിശ്വസിക്കുകയും ചെയ്യുമ്പോൾ തന്നെ നിങ്ങളുടെ ജീവിതത്തിൽ നല്ല മാറ്റങ്ങൾ പ്രകടമാകും

LEARNING & GROWTH ZONE

‘Obstacle Zone’ മറികടന്ന് പുതിയ കാര്യങ്ങൾ പഠിക്കുക വഴി,നിങ്ങളുടെ ആത്മവിശ്വാസം വർദ്ധിക്കുകയും ,പുതിയ കാര്യങ്ങൾ പരീക്ഷിക്കാനും പഠിക്കാനുമുള്ള തന്റേടം കൈവരിക്കുകയും ചെയ്യും. എന്ത് തടസ്സങ്ങളുണ്ടായാലും ഞൻ നേരിടും എന്ന തീരുമാനമാണ് ആദ്യം വേണ്ടത്.മറ്റുള്ളവരുടെ അഭിപ്രായങ്ങൾ എന്നെ തളർത്തില്ലെന്നും അവ യുക്തിബോധത്തോടെ നേരിടുമെന്ന ദൃഢനിശ്ചയത്തെ മുറുകെ പിടിച്ചു കൊണ്ട് മാറ്റങ്ങൾ പരീക്ഷിക്കാനുള്ള സന്നദ്ധത വളർത്തിയെടുക്കാം.